صدر ديوان شعر ( الروح الطيبة )
للشاعر صالح الغازي
ويتكون من 23 قصيدة من الشعر العامي
ويتناول مضامين إنسانية مختلفة
وكان قد صدر في 1997 ديوانه الأول نازل طالع زى عصاية كمنجة
الرسومات الداخلية لرحاب إبراهيم
صدر الكتاب عن ايزيس للإبداع والثقافة وللتعرف على أماكن التوزيع أو طلب الكتاب يرجى الاتصال
بالفنان:احمد الجنايني
موبايل : 0106798962
ثابت : 6490086-050
مقاطع من الديوان:
(كل واحد ملزوم ينفرد بواحد
يطلّعم فى الباقيين عيوب الدنيا
و لو مالقاش حد ينفرد بنفسه
شرط لراحة الضمير
النهاردة أنت مع مين؟
ضد مين؟)
(أتمدد بطول دراعك لحد صوابعك
الدور على لمستك..
ناعمه زى حبات العنب
لما تمُر على كل عضو
يزهزه بمزاجُة أو غصب عنه)
(صدق حالك.... عيش
عطل ماكينة مخك
اللى بتقلقك ع الفاضى
عيش...
لكن الحقيقه المجرمه
إننا بنبالغ فى الماكياج
ونعدل فى روعة المتعه
لحد ما تتشوه .)
(أدمغتهم: حصالات خايفه تروح فى النوم
الوقت اللى بيفوت ما بيرجعش!
نفسهم يحطوا إيدهُم على قلوبهم
لكنهم حسوا إنها أمنية رومانتيكيه تخسَّر
بنت بتقع من إيديها سماعة تلفون
لسه ريحة كلام الحب بتنقط منه
أم بتقلب فى جثث الشوارع على ولادها
راجل حاطط ودانه على بطن فى الشهر التاسع
ومش قادر يسمع و لا صوت )
(حقك تكسر بمزاجك كل القوانين كأنك زوربا
لكني خايف
بعد ما تتقابلوا
ألقاكم سهرا نين بتتابعو النمل
وقتها النمل ح يبقى كتير
يطلع الحيطان
يدخل الصور.
يشوه الذكريات
ح يطاردك في كل الأوقات .)
وبعض اعمال الشاعر منشورة فى بوابة الشعر بالوصلة التالية
[ندعوك للتسجيل في المنتدى أو التعريف بنفسك لمعاينة هذا الرابط]وفى براح الأدب
[ندعوك للتسجيل في المنتدى أو التعريف بنفسك لمعاينة هذا الرابط]وللتواصل على الفيس بوك
[ندعوك للتسجيل في المنتدى أو التعريف بنفسك لمعاينة هذا الرابط]تمنياتى بالتواصل الدائم[url][/url]
الأربعاء أبريل 09, 2008 7:50 pm