البحر .................

مستحى أفرد ورقتك
و أقرا ف عنيكى كلام
دا اللى واقف فوق شفايفك
كلمه كانت فى الضلام
و اللى نايم فوق خدودك
مرمغيه فى الإبتسام
و إنزلى حبه بحبه
إسقطى دا مش حرام
كنت بأبدر ضحكتى
زرعه بتضلل عليكى
كنت بأحلم لهفتى
مره أشوفها و ف عنيكى
كنت بتدارى فى خجلى
أنكسف , و أموت ساعات
ساعات أدوب فى حرقتى
أتحرق وحدى فى سكات
كنت بأنده ندهتى

صوت يجاوب من بعيد
ألقى نفسى فى غربتى
و أرجع أحبك من جديد
و أنتى مستحليه دمعى
جه لسمعى
إن الوجع بيقطعك
يِطلع الآهه بشوك
و يفزعك منى الأمان
أنا مش شيطان
أنا بس يا ضل الوجع
فارس زمان
الضحكه كانت بالسهام
مغروزه فى السر البديع
طلة ربيع الروح تطبطب
ع اللجام
و تطير قوام
راكبه الحصان

فأنزلى حبه حبه .. أسقطى
الشط ما بيرميش حبال
و البحر بيحب الغُنا
و يدندش الموج بالأمان
بيفز قلبه م العكار
و بيمشى صافى بسلطنه
و الموج بيضحك ع اللى خاف
[ندعوك للتسجيل في المنتدى أو التعريف بنفسك لمعاينة هذا الرابط]