إدينى روحى

[ندعوك للتسجيل في المنتدى أو التعريف بنفسك لمعاينة هذا الرابط]
إدينى روحى

عصافيرك اللى طلقتها ف قلبى مبتزقزقش
فادينى روحى وخد عصافيرك
انا لما كنت بسلم روحى بإيدية
مكنش النية تعذيبى
فخد إيدى وطلعنى معاك منك
أنا حريتى ف سجنك
أنا عارفة
لكن مش شايفة من قلبى
اللى فوق عينى
وبينى وبينى موت صاحى
مفتت كل تكوينى
أنا أشلاء بتحرك حوالينى
بتصرخ فيه تنفضنى
لمين رميانى .. لمينى
ألملم فيها تتبعتر
وتتفتت وتتنطور
أنا مش قادرة اتحرر من التفتيت
حاخد روحى وارشرشها
على الأشلاء
لعلى ف يوم أعود تانى
ينبِّت فيَّه جذر جديد
ويعلى لفوقى ويعدى
ويوهب قلبى عش أخير
يكمل بيه مشواره
وزقزقته .. مع العصافير