تستاهل الأحزان

[ندعوك للتسجيل في المنتدى أو التعريف بنفسك لمعاينة هذا الرابط]

تستاهل الأحزان

رجعت تانى تمسك الكرباج
تجلد ف طسن الروح
ذنوب المعصية
مشبوح على جذع الألم
بين العصاة والأولية
دمك ده ولا دمعتك؟
عس إيديك
لو كنت تملك مقدرة
مسحة عنيك
تستاهل الأحزان
صرَّخ كمان
مش ح امنعك
مين بلَّعك طعم الشيطان؟
مين حولك أشباه بشر
مين خرَّجك من جنتك
خد جتتك وابعد بعيد
عن كل عباد العبيد
إفحت بإيدك مسكنك
وانزل وهيل فوقك تراب المغفرة
ارتد تانى لأولك
يمكن ساعتها تفتكر
إن اللسان اللى نصح
كل البش بالامتثال
مقدرتش انت تتعظ
منه وتملك قدرتك
ع الاختيار