مفعول به ....

[ندعوك للتسجيل في المنتدى أو التعريف بنفسك لمعاينة هذا الرابط]

مفعول به

وابتدت لحظة غيابك ف الحضور
وابتدت تواريخ حضورك ف الغياب
وابتدى الباب يتورب
وابتدت جملة حياتك تتعرب
مفعول به
كان فاعلن ف المبتدا
أصبح خبر
مرفوع لأول آخره
ممدود على كف القدر
لما القضا بالسر باح
سلم حدودك للسفر
سلم قلوعك للرياح
قولى انت مين؟
انت القتيل.. ولا السلاح؟
مقسوم مابين الضفتين
بين التقى والاشتهاء
ولحد فين هتكون كدة؟
متَّك ع الجرح
اللى مش عايز ينز
الا الألم
بين الحياة وبين العدم
شابب ومش قادر تطول
الا انهزامك
ف الحضور
أو ف الغياب