تابع مقاطع شعرية من ديوان عرضحال

[ندعوك للتسجيل في المنتدى أو التعريف بنفسك لمعاينة هذه الصورة]

تابع مقاطع شعرية من ديوان عرضحال
..........................
مركب ورق

مركب ورق عايم على
وش وسما البحر الغويط
شارب غرق
محسِّهوش ركبانه
ولا قلب ربانه العبيط
اتسَّوح المركب بعيد
قام الورق فتَّح وباش
ولاحد عاش
غير صمت صوت
الاستغاثة
والصويت

الحقيقة والوهم

الزيف محاصر كل شئ
جوانا أو برة
كل الحياة متغلفة سكر
لكن مرة
بقت الحقيقة وهم
والوهم الحقيقة
إيه الطريقة
اللى تخلى
كل النفوس
حُرة

القلق والنوم

مرة القلق والنوم
حبوا يكونوا اصحاب
عاشوا ف سكن واحد
من غير حيطان ولا باب
النوم فرد جسمه
ويدوب غِفل سِنة
زغده القلق فزعه
قاله اصحى فوق ليَّه
لو ناوى نبقى احباب

عُمر بحاله

انا وانت يا احمد يابنى
بنموت نفس الساعة والثانية بالظبط
انت بتموت ف البيتزا
والتورتة والكنتاكى
لاكنى بموت علشان
عمر بحاله
مقدرتش أدبأ مصاريفهم
واشترى هملك
دلوقت