تابع مقاطع شعرية من ديوان عرضحال

تابع مقاطع شعرية من ديوان عرضحال
...........................
مفيش جديد

أنا مهما أقرب
برضه ليه منك بعيد
ومفيش محاولة لقربنا
بتضيف جديد
قوليلى معنى
القرب عندك
يبقى إيه؟
والحب جوة
قاموس حياتك
سور حديد

نفس الانتظار

بتدَّور الناس ع اللى
مش لاقياه ف غيرها
وبرضه غيرها بينتظر
منها انتظارها
ابدأ بنفسك أولا
وانتهى وصحح مسلرك
قبل ما تطلب من الناس
تبتدى تصلَّح ضميرها

بدر التمام

الحلم لمَّا انولد
كان لسة عوده نحيل
أخضر كقلب الوطن
قمحى بلون النيل
ولما طاب واستوى
بان ع الملا حسنه
بدر التمام ف السمما
راشق ف عين الليل

دنيا مليانة

دنيا مليانة بلاوى
كل بلوة بلون وشكل
كله واخد نايبه فيها
لما شبعان منها ركل
حتى أصحاب السعادة
والسيادة والنفوذ
برضه بتدور الحظوظ
والنوايب ف المحن
ياكلوها أكل