تابع مقاطع شعرية من ديوان عرضحال

[ندعوك للتسجيل في المنتدى أو التعريف بنفسك لمعاينة هذه الصورة]
تابع مقاطع شعرية من ديوان عرضحال
............................
لاشئ

بتدوَّر على مين جواك
ما انت اللى فتحت الباب بإيديك
واتسرسب منك.. فيك براك
وصبحت مشاع لحدادى الغيم
تستوطن بدنك كيف تشاء
ودبحت الميم .. وشنقت الحاء
والميم التانية بقت أشلاء
والدال مبقتش تدل عليك
أصبحت خلاص أشباح وخيال
وفاضلك إيه؟
دوّرحتلاقى الباقى خواء
حتلاقى لاشئ
واقف يترحَّم
ع الاشياء

ابن المستحيل

الشط واحد
والرمال هى الرمال
والبحر شاهد
والسما وصمت الجبال
وانت ابن بطن الأرض
وابن المستحيل
انت اللى دفَّاع التمن
وقت المحن
وقت الطوفان
انت اللى قابض حصتك
ابن السرايا والتحف
عبد الترف
عبد الشيطان

الكراسات انطوت

ضرب الجرس
والكراسات انطوت
انتهى اليوم القديم
آخر نفس ف العام
جريوا العيال
موجة زهق
واتبعتروا
فقاقيع زحام