تابع مقاطع شعرية من ديوان عرضحال

[ندعوك للتسجيل في المنتدى أو التعريف بنفسك لمعاينة هذه الصورة]
تابع مقاطع شعرية من ديوان عرضحال
...........................
قلبى قمحايا

بين العذاب والحنين
أنا قلبى قمحايا
ساكن مابين صخرتين
من جوة رحَّايا
تدوس عليه تعصره
يصرخ ويتألم
من غير مايتكلم
أسير
حبه .. وبلوايا

اليافتجية

مين اللى حط اليافطة دى
مين اللى شرَّب توب عسسها بدمنا
مين لمنا بالزور
وستف شملنا فوق حجرها
مين حطنا وحطها
مش دى ملامح صدقنا
مش دول وشوشنا الكدابين
اللى أكيد عمل كدة
مش مننا

الكلب والعضمة

الكلب سيد العضمة
ولا العضمة سته
مين اللى متاكل
ومين فاضل
ومين محتاج لعوزته
الكلب قال للعضمة
أنا سيدك وتاج راسك
وهراسك وضايقك
العضمة قالتله
اسمك على أصلك دليل
وسيبك م الكلام
اللى بتعجنه
وترجع تلته