[center
[ندعوك للتسجيل في المنتدى أو التعريف بنفسك لمعاينة هذا الرابط]]كنت ابن موت
رثاء فى يوم التأبين
للشاعر كامل عيد
كنت ابن موت
كنت الجناين والسفاين والبيوت
كنت طيرنا العندليب
صوت السما
كنت البداية والنهاية بأعلى صوت
تبر العطايا والوصايا والعديد
كنت ابن موت
سابق زمانك فى القضا
كنت الرضا
وكان ضرورى تموت شهيد
كنت الصدى
موال عنيد
بتلف روحك فى الفضا
ريحان وطيب
اتنفسك يابن الجنوب, مسك المسا
أستنشقك عنبر زمانك
فى الوريد...
وأستسمحك وانت الأسى
أبقى المريد
ناسك فى محرابك صبى
كنت الولى
أنس الماذن و الليالى المؤنسة
صوت الإمام
ودموع وطن
كنت المداوى و الشجن
حبر المطابع النشيد...
شمسك وصارت يا حمام
عدوده من هم العبيد...!
الغربة كانت غنوتك
وكان ضرورى تموت غريب
الكلمة كانت بسمتك
وكان لابد تهج م الصمت المريب
لا"البلى"عاد بالروح وفى
ولا"ليلة" وفت بالحليب
الكل باع ,وانت اللى مقلتش بكام...!
الكل باع عش الحمام وانت إشتريت
كنت المراوى والملك
نيلك دمك
روحك بتفلت م الحطام
وتطل من عشك غناويك الحياه
تراتيل صلاة من مبسمك,
"يا مصر يا ست البنات يا غندره..
يا مصر يا صوتنا الحزين الثرثرة..
يا مصر يا طرح العشوش الزقزقة
صوتك شجى
دمعة هموم المبتلى
والعزم أبعد م الهروب
ادان شروق
زعقة نبى
وحشود مدد ساعة الحروب
"يا مصر يا ست البنات يا غندرة"
همسك نديم
صوتك تبات
رنة كلامك سكرة
دايبة ف ملامح كل بيت...!
سلامات ياصاحبى المبتلى
والنيل دقاك
سافر ماعادشى من السفر
سجنوه هناك مماليك جداد
واناجى لك بعد الشقا
مرحوم عجيب
باتمنى فى عشوش الحمام
عالم صبى
ومكان جديد للشقشق...!
الجمعة أبريل 24, 2009 12:40 am
