كامل عيد
من شط الروح بيشطشط
فيا عيون ترياق
والناظر عند هبوب الريح
يلقاه مفرود, وكمان قال واقف يتمتع يصطاد ف نسور
الأرض البور بيه بتخضر تتملي أشواق
كان مره قاعد بيبوح لي من كنز الكنز
ولقيتني علي الشط مدلدل ألماز وياقوت
وحاجات بتموت من خطاوينا والعمر يفوت
ولقيتني ف بحرك موج عايم يحدف أصداف
والقلب أن خاف علي جلابيته
بيتوه ف الضل
النخل فروعه تسقط تمر
والأمر يعوز نفطر ف لقاك
وجريد الكلمة بيتساوي عند الزيارات
أبويا ومات
وأنت أبويا
متسلسل زى سبع لفات
البلح أمهات
والضحكة بنات
وبنات البندر يرموني
وعيونك وحدك يسبوني
من عند دواك أبو مر وصبر
ولحدالشوف تحت جبينك
الرمش بيحدف أيامي
ف بر سنينك
والشط إن قرب علي ضحكة
بتكون وياك
جمارك بينذ حليب
وسمارك رطبك حياني
الطين واد مصري وجواني
العود ونحيل متصنع بالدم الحامي
أشواك بتخايلك ف السكة
تبدر يمامات
والتعلب فات فات وف ديله سبع لفات
والحكمة ف الضي النور
والكلمة يتشق بحور
والنجمة ف الفضا بتدور
عمنا كامل ف الو فق أنيس
والفل الممدود قراطيس
والعيد أهو عيد إن حد ناداه
والشاطر ينزل ع الهينة
الفكر دواه والشعر غناه
ويشعر دا يما بالأحاسيس
مكتوب و مدون ف الشريان
الشط أمان
والحلم رهان
العمر بيكبر بالفوانيس
أرجوك أرميني ف قلب
الكنز
طب مين بعدك هيقويني ...؟!
أحمد أبو سمره
الأحد الموافق 19/10/2008 السويس
الثلاثاء يونيو 16, 2009 9:54 pm
