[b]أخزي الشيطان
خايف عليكي من الديابه
تقطع الباقي ف عنيكي
حبة خضار هلين بعد موجة دومات
عيل وبيشم النسيم الحر
تطلع رياح الخماسين يغرق عفر
ومفيش نفر الا وحزين
خايف عليكي تسلمي
وتنامي ف أحضان الصريخ
ثلاثين سنة وأنتي تخبي ف الوجع
حتي النفس
خايفه ليفضح حملتك
كبت وكبوت
احلام تموت
احلام سكوتك بدلت
والجاي نار
عرق الصغار لو ما أترعي
هينط فوقه الأربعه وهيشفطوه
والجاي توه
ربان سفينك قد موج الضلمه ولا
تشحطي ...؟!
وتمدي أيد الذل تاني تعيطي
ان يوم حصل...!!
دا لأن منك يكرهك
عايزك ذليلة أو عليه يوم يكرهك
ويبيع ف أحلام الصبايا للغريب
ولا فيه هلال ولا فيه صليب
ولا فيه مصانع يوم تقيد ف بيوت ضلام
ولا مدرسة تدي العلام
ولا شعب تاني يحررك
ويجرجرك للموت فداه
خايف عليكي من غباه
ابنك جعان .. أيوه جعان
ودا بعد ما شاف الحيتان
جوعه أتفجع
وعليكي بيحط الوجع
يصرخ وزيه انتي تاني بتصرخي
أخرتها منا تسخسخي
والكل فيكي يروح فطيس
لمي الهويس وأتنفسي
وياريت تفوقي وتكنسي
هذا الهوان
قومي يا مصر أخزي الشيطان
وعودي زي لون الفجر ابيض م الحليب
ــــــــــــــــــــــــــــــــــ
أحمد ابو سمره
السويس في 14/3/2011
الأربعاء ديسمبر 23, 2009 1:40 am
