فَرَقِتْ
[ندعوك للتسجيل في المنتدى أو التعريف بنفسك لمعاينة هذا الرابط]بين المشاعر و الدموع
سكة سفر .. حمام ع الشط واقف
لامم فى رمل الإنتظار
الموج هديل موكب شموع
تحت المطر
بينزف قلبى المرتحل فوق كف روحى
عطشت جروحى للندى
فأسمر لونى
تهل عنيك من الغربه
تحبسنى أسئلة الرموش
روحى تطير فوق ملامحى الميته
أبيض يا فجر ..
لساك و جايب ف البشاير
على فين و طالق في السكات ؟
عصفوره مكسورة الجناح
تبدر عواف
و تلقط الحب المباح
بلغنى ..
و الرشد غايب ف البحور
و الرأى
زى سنانير الفخوخ
إنك يا شهر مدبوح ع السكك
و إن أنا من نظرتك قلبى أنبسط
فأنا ها بسطك ..
و أدلدق الشوق الوفى
على ضى متطرز بترتر
توب الصباح صفى الحكايه
و أبتديت أضحك عليك
يا شهر .. زاد الخوف ف نبض الجوف
و قل الشوف على ضحكه
يتخرج بس بردانه
و أنا واقف و حوليه ضحايا
م السكات غابوا
يا ليل .. شاطر على الحبل أتشنق عاشق
بيجلد كل يوم موال
تطق عيونى و تصرخ نقط م النار
بلاش تحبس فى زنزانة الدموع روحك
و تسقينى الوجع فى نقوط
و تترقص على جرحى
16/6/2005
الأحد مايو 04, 2008 4:49 am