الفرق................

الفرق
[ندعوك للتسجيل في المنتدى أو التعريف بنفسك لمعاينة هذا الرابط]

الفرق بين عشق الوطن والخوف 00
عنين بتحلم بالسواقي والمكن وحاجات كتير000
يوسف بيحلم بالأمان 00
رمسيس00زمان
أحمس00 وطرد الكدابين
ايزيس000
وطن وبلاد بتحضن الاشتياق
ست العرايس فوق خدودها وردتين
ألوان وزاهيه 000
أحلام 00 بتبرق فوق سنابل من دهب
ربك وهب
والقصد من غير اندفاع أو حتى خوف
لحظة كسوف ف العشق حتما تقتله
وتبدل الأشواق لسم
والسم دا يما مستخبي ف الحنين
ف الفؤاد المنطوي خلف الحيطان
الخوف جبان
والعروسه عايزه مهر
والمهر فارس يدفعه
ويقدم الشرف اللي يقدر يملكه
فوق الحصان
العمر مرهون بالمكان
سجادة فوق خد القمر بتطير
وتطير العصافير00 بخيال مقاته
الموت عشانك يا صبية مش لذيذ
الموت عزيز 00 وعزيز عيونك بايع الحلمات 00
وسبع سنابل مش سبع حبات
الموت يا غالية بس للأموات
تنزل ملايكه م السما فوق حدود
الطين 0000
والطين وطن
والجوف بيصرخ أعمل إيه؟
وطني جعان00
والقاهرة ست البنات المدهشه
قاعده بتفرد شعرها عند السحاب
والألف باب متفندقين من غير حرس
رن السؤال اللي فضل من غير أجابه
مين الولد000؟!
من أي شعب يا فتي00؟!
أنت اللي حارب كل أعداء الحياة00 !
وفضل معاك سر اندهاشها
من غير دواعي الكدابين ، وال000
شد ف سفينتك ع الطريق
ولف حبل المعجزة حوالين قلوب
ميهمهاش إلا القمر يفضل منور خدها
وتزفها لعريس بيعشق نور إيزيس
السويس في الأحد 10/2/2008
أحمد أبو سمره