متأخذونيــــــــش

أنا صوتي مش عابر سبيل

لكن سبيل عبرت عليه الاسئله

والخوف وضحكة للعيون ساعة قلق

وعيون تمرمطنى ف حضن الممنوعات

وتتوه وترجع كل مايرجع نفس يحيني من تانى أموت

ويخشني لون السكوت

مايبانش غير حتة يادوب

تسرح ف حضنى انكشف

لو مرة حليت الرموز

ليه ف العيون دايما خناق000؟

وأنا فيا أحلام الفرح

وانا منى غنوة مستباحة لكل عين

يااااا ليل ياعين

عمر الحكاوى ماتنتهيش

لو حتى غطانى التراب

بعد السحاب رؤيه حزينه للشعاع

تلمع قلوبنا من حباله

بس قلب الكون حديد

وانا ليه أخش ف حلمك الدايب واللمه بس ادوووووووب

الناس بتعرفنى ادوب

وقلوبها تخطفنى ادوب

ينطقنى حرفك هه يادووووووب

أرجع لأول ما ابتديت

متآخذنيش

هتقولى عيل لو سألتك مين أكون00؟

أنا باعرف الجرح بملامحى مش بأوصاف الدموع ف عنيك

وانا باعرف الليلة اللى عدت

واللي جايه تمتحن فينا الغياب

- هل غبت؟

لسه عيوني عارفه سكة للهروب

من توهة السكة وترويض التوتر وال0000

متأخذنيش

بالرغم منك صوتى لسة هاينجرح

ويقوم ويصلب طوله من تانى انجرح

وهاقوم وهاصلب طولى من تانى وأقول

متآخذونيش

Admin عدد المساهمات : 888 تاريخ التسجيل : 07/04/2008

[ندعوك للتسجيل في المنتدى أو التعريف بنفسك لمعاينة هذا الرابط]